Bo‘limda quyidagi yo‘nalishlar bo‘yicha ilmiy izlanishlar olib boriladi
- yuqori o‘pka gipertenziyali tug‘ma yurak nuqsoni bo‘lgan bemorlarni operatsiyadan keyingi davolash;
- ko'krak qafasi va qorin bo'shlig'i azolarining keng qamrovli rekonstruktiv tiklash jarohlik amaliyotlaridan so'ng ofriqsizlantirishning zamonaviy multimodal usullari;
- o'tkir o'pka toqimasi shikastlanishi (og'ir darajali zotiljam, ORDS, kompartment sindromi va boshqalar) kuzatilgan bemorlarda respirator terapiya usuli;
- intensiv davolashda bemorlarga erta nutritiv oziqlantirishning (enteral va parenteral) zamonaviy protokollari
- bosh miya qon aylanishining o'tkir buzilishi kuzatilgan bemorlarda neyroproteksiya tamoyillarini otqazish;
- jigar va buyrak ko‘chirib o‘tkazish amaliyotini boshdan kechirgan bemorlarda amaliyotdan keyingi davolashning zamonaviy protokollari;
- Jarrohlik amaliyoti otkazgan bemorlarda maqsadli antibiotika profilaktika va shifoxonadan tashqari infektsiya kuzatilgan bemorlarda antibaktika terapiya;
- ORDS kuzatilgan bemorlarni davolashda zamonaviy suniy o‘pka ventilyatsiyasi uskunalari yordamida respirator yordamning har xil protokollarni ishlab chiqish.
Reanimatsiya bolim xodimlari yaqin hamdostlik va uzoq xorij davlatlarida o‘tkaziladigan ilmiy-amaliy anjumanlarda faol ishtirok etib kelmoqdalar.
Umumiy reanimatsiya va intensiv terapiya bo‘limi 20 ta yotoq joyga ega bo‘lib, barcha zarur ixtisoslashtirilgan jihozlar va shoshilinch hayotni ta’minlash tizimlari bilan jihozlangan. Bo‘limning asosiy vazifasi kasallik, shikastlanish, jarrohlik va boshqa sabablar (o‘tkir yurak-qon tomir yetishmovchiligi, o‘tkir nafas etishmovchiligi, shokning barcha turlari) natijasida hayotiy muhim organlar va tizimlarning buzilgan funksiyalarini tiklash va saqlash bo‘yicha kompleks chora-tadbirlarni amalga oshirishdan iborat.
Bo‘lim xodimlarining yuqori kasbiy tayyorgarligi va texnik jihozlanishi eng murakkab va noyob jarrohlik operatsiyalaridan so‘ng intensiv davolanish, yiliga 4000 nafarga yaqin bemorga o‘z vaqtida malakali reanimatsiya yordami ko‘rsatish imkonini beradi.
Bo‘lim jamoasi ko‘p yillar davomida jigar va buyrak transplantatsiyasi, yurak, traxeya, bronxlar, qizilo‘ngach, oshqozon-ichak yo‘llari, jigar, o‘t yo‘llari, oshqozon osti bezi, aorta va boshqa organlardagi rekonstruktiv operatsiyalardan so‘ng bemorlarni davolashning asosiy tamoyillarini ishlab chiqdi va klinik amaliyotga joriy etdi. Hozirgi vaqtda yangi jarrohlik texnologiyalarini ishlab chiqish bilan birga, operatsiyadan keyingi davrda bemorlarni davolash tamoyillari doimiy ravishda takomillashtirilmoqda.
Bo‘limda terapevtik hamda jarrohlik amaliyotlari o‘tkazilgan bemorlarda reanimatsiya va intensiv davolash jarayonida zamonaviy texnologiyalar qo‘llaniladi. Klinik laborator va funktsional diagnostika usullarining keng ko‘lamda qo‘llanilishi natijasida amaliyotan keyingi erta davrda yuzaga keluvchi asoratlarni o‘z vaqtida aniqlash va davolashga erishilmoqda. Reanimatsiya va intensiv davolash bo‘limida standart kuzatish uskunalari bilan bir vaqtda qo‘llanilishi mumkin bolgan quyidagi diagnostik va davolash usullari: multimodal ogriqsizlantirish, yurak ishemik kasalliklari kuzatilgan bemorlarda aorta balon kontrapulsatsiyasi, respirator buzilish asorati kuzatilgan kardiojarrohlik va torakoabdominal patologiyali bemorlarda davomiy sun’iy o‘pka ventilyatsiyasining ilg‘or texnologiyalari joriy etilmoqda.
