Markazimizda, GXBvaJT №1 bo‘limida, tibbiyot fanlari doktori, professor M.M. Akbarov rahbarligida tirik qarindosh donoridan navbatdagi muvaffaqiyatli jigar ko‘chirib o‘tkazish amaliyoti o‘tkazildi.

Bemor Dustova D., 1984-yilda tug‘ilgan, Surxondaryo viloyati, Uzun tumani aholisi. U virusli etiologiyali jigar sirrozi (HBV + HDV) bilan og‘rigan. Kasallik portal gipertenziya, gepatosplenomegaliya, qizilo‘ngach venalarining varikoz kengayishi va assit bilan asoratlangan. Markazimizda 2025-yil 17-oktabrda 9 ta varikoz magistrallarining endoskopik ligatsiyasi bajarilgan.

Donor sifatida bemorning o‘g‘li Xusanov I., 2006-yilda tug‘ilgan, ishtirok etdi.

Operatsiya muvaffaqiyatli o‘tdi, intraoperatsion asoratlar kuzatilmadi. Donorning operatsiyadan keyingi davri tinch o‘tdi u 8-kuni qoniqarli ahvolda shifoxonadan chiqarildi.

Transplantatsiyadan so‘ng bemorning ahvoli barqaror, ko‘chirib o‘tkazilgan jigar funksiyasi ko‘rsatkichlari qoniqarli.

Mazkur operatsiya markazimiz transplantologlar jamoasining yuqori professionalligi va tirik donor jigar transplantatsiyasi dasturining izchil rivojlanayotganini yana bir bor tasdiqlaydi.