Бугун академик В.В. Воҳидов номидаги Республика ихтисослаштирилган хирургия марказига Туркиянинг етакчи торакал хирурглари ташриф буюрди.
Улар орасида қуйидаги нуфузли клиникалар — Ататүрк шифохонаси ва Sağlık Bilimleri Университетининг торакал хирургия бўлими раҳбарлари бор:
🔹 Проф. Др. Айдын Шанлы
🔹 Проф. Др. Ати́лла Эроғлу
🔹 Проф. Др. Левент Жансевер

Ташриф доирасида марказ директорининг ўринбосари, профессор Отабек Жураевич Эшонхўжаев билан учрашув бўлиб ўтди.
📋 Меҳмонлар марказ тузилмаси билан яқиндан танишиб, беморларни кўздан кечирдилар ва икки томонлама ҳамкорлик йўналишларини муҳокама қилдилар — хусусан, қўшма симпозиумлар ва илмий анжуманлар ташкил этиш, шунингдек, мутахассисларимизни Туркия клиникаларида ўқитиш ва малака ошириш масалалари кўриб чиқилди.