Bugun 13-dekabr kuni,  Akademik V.Vohidov nomidagi Respublika Ixtisoslashtirilgan Xirurgiya Ilmiy-Amaliy Tibbiyot Markazida - ushbu dargoh asoschisi va birinchi direktori – akademik Vosit Vohidovich Vohidov tavalludining 107 yilligi nishonlanmoqda.
Akademik V.Vohidov sharafiga o‘rnatilgan haykal atrofida Xirurgiya Markazi ma’muriyati boshchiligida atoqli jarrohning izdoshlari yig‘ildi. Markaz direktori Ismailov S.I. bugungi kunda ham aholiga yuqori malakali jarrohlik yordami ko‘rsatilayotgan bunday noyob tibbiyot muassasasi qurilishining O‘zbekiston uchun muhimligi va ahamiyatini ta’kidlab o`tdi.
Shuningdek, akademik V. Vohidovning “bevosita” shogirdlari prof. Nizomxodjaev Z.M., va prof.Zufarov M.M. uni yuqori hurmat va ehtirom bilan yodga olishdi. Yig‘ilganlarning barchasi yurtimiz aholisi salomatligi yo‘lida xizmat qilayotgan yirik jarrohlar maktabining asoschisi akademik V.Vohidov haykali poyiga gullar qo‘yishdi.