Бугун, 13-декабрь куни, академик Восит Воҳидович Воҳидов томонидан асос солинган ва у биринчи директор бўлиб ишлаган Республика ихтисослаштирилган Хирургия Илмий-Амалий Тиббиёт Марказида унинг туғилганлигининг 107-йиллиги нишонланмоқда.

Академик В. Воҳидов шарафига ўрнатилган ҳайкал атрофида машҳур жарроҳнинг шогирдлари марказ маъмурияти раҳбарлигида тўпландилар. Директор С.И. Исмоилов Ўзбекистон аҳолиси учун сифатли жарроҳлик ёрдамини тақдим этишда бундай ноёб тиббиёт муассасасининг аҳамияти ва муҳимлигини таъкидлади.

Шунингдек, академик В. Воҳидовнинг тўғридан-тўғри шогирдлари, профессорлар З.М. Низомходжаев ва М.М. Зуфаров, уни катта ҳурмат ва эътибор билан ёд этдилар. Тадбирда иштирок этган барча шахслар мамлакатимиз аҳолиси соғлиғи хизматида фаолият юритган етакчи жарроҳлар мактабининг асосчиси академик В. Воҳидов ҳайкалининг пойдеворига гуллар қўйишди.