Akademik V. Vohidov nomidagi Respublika ixtisoslashtirilgan xirurgiya ilmiy-amaliy tibbiyot markazida O‘zbekiston Respublikasi va Rossiya Federatsiyasi mamlakatning yetakchi tibbiyot muassasalari rahbarlari, soha olimlari va ekspertlari ishtirokida "O‘zbekiston-Rossiya: salomatlik yo‘lida hamkorlik" mavzusida ilmiy-amaliy konferensiya bo‘lib o‘tdi. 
Tadbir ochilishida Akademik V. Vohidov nomidagi RIXIATM direktori Saidmurod Ibragimovich Ismailov, O‘zbekiston Respublikasi Administratsiyasi Ijtimoiy rivojlanish departamenti rahbari Odil Qalandarovich Abduraxmanov, Sog‘liqni saqlash vaziri vazifasini bajaruvchi Asilbek Anvarovich Xudayarov, Rossiya Sog‘liqni saqlash vaziri o‘rinbosari  Plutniskiy Andrey Nikolaevich kirish so‘zlari bilan yurtimizda sog‘liqni saqlash sohasida olib borilayotgan islohotlar, ikki mamlakat o‘rtasidagi tibbiy hamkorlikning hozirgi holati va va sheriklikni yanada rivojlantirish istiqbollari xususida so‘z yuritishdi.
Anjuman doirasida 3 ta sho'ba yig‘ilishi ham tashkil etilib, ularda ishtirokchilarning yuqori texnologik xirurgik yordamni rivojlantirish, ikki mamlakatning tibbiyot oliygohlari o‘rtasidagi qo‘shma dasturlar, onkologiyadagi zamonaviy texnologiyalar, neonatal irsiy skrining, O‘zbekistonda shoshilinch tibbiy yordam xizmatidagi yutuqlar, urologiyada robot xirurgiyasining yangi imkoniyatlari, endokrinologiya sohasidagi o‘zaro hamkorlik kabi ko‘plab mavzularga bag‘ishlangan ma'ruzalari tinglandi.