Tibbiyot tizimida ham kasbiy ta’limni rivojlantirish maqsadida Angliyaning “Pearson” kompaniyasi bilan hamkorlikda har bir hududdagi bittadan texnikumda xalqaro standartlar asosida hamshiralar tayyorlash boshlandi.

Endilikda ushbu texnikumlarga Germaniya, Shveytsariya, AQSh va Yaponiya kabi davlatlarning ta’lim dasturlari ham joriy etiladi.

Shu asosda xalqaro talablarga javob beradigan, xorijiy tillarni biladigan hamshiralar tarkibi shakllantiriladi.

Keng ko‘lamli islohotlar sog‘liqni saqlash tizimini raqamlashtirish yo‘nalishida ham jadal davom ettiriladi.

Tibbiyot muassasalarini yagona yondashuv asosida tashkil etish uchun “master-reja” ishlab chiqiladi.

Bundan tashqari, infarkt, insult, onkologik va nefrologik kabi yuqumli bo‘lmagan kasalliklar, shuningdek transplantatsiya, vaksinasiyalash hamda ona va bola salomatligi yo‘nalishlariga 3,5 trillion so‘m mablag‘ ajratiladi.