Бўлимнинг муҳим илмий-ташкилов фаолиятининг йўналишлари
- трансплантат ва турли имплантатларнинг биологик тўқималар билан таъсиридаги морфофункционал ўзгаришларни ўрганиш;
- хирургик жароҳатларининг битиши нуқтаи назаридан, лазер ва ёруғлик диод нурланишларининг сунъий ҳамда биологик материаллари ва организм тўқималари ўртасидаги таъсирларни ўрганиш;
Бўлимга 1978–2021 йилларда т.ф.д., профессор И.М. Байбеков раҳбарлик қилган. Бу даврда 35 дан ортиқ докторлик иши ҳимоя қилинган, шундан 6 таси патологик анатомия йўналишидан бўлган. Шунингдек 100 дан ортиқ номзодлик диссертациялари ва уларнинг патоморфологик қисмлари илмий-тадқиқот ишлари бажарилган, ҳамда 700 дан ортиқ илмий мақолалар чоп этилган бўлиб, шулардан 100 дан ортиғи хорижий илмий журналларда чиқарилган. 17 та монографиялар чоп этилган ва 10 дан ортиқ ихтиро учун муаллифлик гувоҳномалари олинган.
Ҳозирги кунга келиб эса бўлимда экспериментал хирургия, шунингдек бир қанча марказ клиник бўлимлари ҳамда бошқа марказ ва институтлар билан ҳамкорликда 15 дан ортиқ номзодлик ҳамда докторлик диссертацияси қисмлари, 75 дан зиёд хорижий ҳамда маҳаллий нашрлардаги илмий журналлардаги мақолалар, шунингдек 3 та монография чоп этилган, 5 дан ортиқ муаллифлик гувоҳномалари олинган. Мазкур йўналишлардаги илмий фаолият янада кенгайтирилиб қўшма лойиҳалар борасида ишланмалар олиб бориш давом эттирилмоқда.
Таклиф этилган хизматлар рўйхати:
«Патогистологик, морфологик ва илмий тадқиқотлар бўлими» хизмати учта функционал бўлимлардан ташкил топган:
- биопсия;
- ситология;
- илмий-тадқиқот материаллари таҳлили.
