Бўлимда қуйидаги йўналишлар бўйича илмий изланишлар олиб борилади
- юқори ўпка гипертензияли туғма юрак нуқсони бўлган беморларни операциядан кейинги даволаш;
- кўкрак қафаси ва қорин бўшлиғи аъзоларининг кенг қамровли реконструктив тиклаш жароҳлик амалиётларидан сўнг оғриқсизлантиришнинг замонавий мультимодал усуллари;
- ўткир ўпка тўқимаси шикастланиши (оғир даражали зотилжам, ORDS, компартмент синдроми ва бошқалар) кузатилган беморларда респиратор терапия усули;
- интенсив даволашда беморларга эрта нутритив озиқлантиришнинг (энерал ва парентерал) замонавий протоколлари;
- бош мия қон айланишининг ўткир бузилиши кузатилган беморларда нейропротекция тамойилларини ўтказиш;
- жигар ва буйрак кўчириб ўтказиш амалиётини бошдан кечирган беморларда амалиётдан кейинги даволашнинг замонавий протоколлари;
- жарроҳлик амалиёти ўтказган беморларда мақсадли антибиотик профилактика ва шифохонадан ташқари инфекция кузатилган беморларда антибактериал терапия;
- ORDS кузатилган беморларни даволашда замонавий сунъий ўпка вентиляцияси ускуналари ёрдамида респиратор ёрдамнинг ҳар хил протоколларини ишлаб чиқиш.
Реанимация бўлим ходимлари яқин ҳамдўстлик ва узоқ хориж давлатларида ўтказиладиган илмий-амалий анжуманларда фаол иштирок этиб келмоқдалар.
Умумий реанимация ва интенсив терапия бўлими 20 та ётоқ жойга эга бўлиб, барча зарур ихтисослаштирилган жиҳозлар ва шошилинч ҳаётни таъминлаш тизимлари билан жиҳозланган. Бўлимнинг асосий вазифаси касаллик, шикастланиш, жарроҳлик ва бошқа сабаблар (ўткир юрак-қон томир етишмовчилиги, ўткир нафас этишмовчилиги, шокнинг барча турлари) натижасида ҳаётий муҳим органлар ва тизимларнинг бузилган функцияларини тиклаш ва сақлаш бўйича комплекс чора-тадбирларни амалга оширишдан иборат.
Бўлим ходимларининг юқори касбий тайёргарлиги ва техник жиҳозланиши энг мураккаб ва ноёб жарроҳлик операцияларидан сўнг интенсив даволаниш, йилига 4000 нафарга яқин беморга ўз вақтида малакали реанимация ёрдами кўрсатиш имконини беради.
Бўлим жамоаси кўп йиллар давомида жигар ва буйрак трансплантацияси, юрак, трахея, бронхлар, қизилўнгач, ошқозон-ичак йўллари, жигар, ўт йўллари, ошқозон ости бези, аорта ва бошқа органлардаги реконструктив операциялардан сўнг беморларни даволашнинг асосий тамойилларини ишлаб чиқди ва клиник амалиётга жорий этди. Ҳозирги вақтда янги жарроҳлик технологияларини ишлаб чиқиш билан бирга, операциядан кейинги даврда беморларни даволаш тамойиллари доимий равишда такомиллаштирилмоқда.
Бўлимда терапевтик ҳамда жарроҳлик амалиётлари ўтказилган беморларда реанимация ва интенсив даволаш жараёнида замонавий технологиялар қўлланилади. Клиник лаборатор ва функционал диагностика усулларининг кенг кўламда қўлланилиши натижасида амалиётан кейинги эрта даврда юзага келувчи асоратларни ўз вақтида аниқлаш ва даволашга эришилмоқда. Реанимация ва интенсив даволаш бўлимида стандарт кузатиш ускуналари билан бир вақтда қўлланилиши мумкин болган қуйидаги диагностик ва даволаш усуллари: мультимодал огриқсизлантириш, юрак ишемик касалликлари кузатилган беморларда аорта балон контрапульсацияси, респиратор бузилиш асорати кузатилган кардиожарроҳлик ва торакоабдоминал патологияли беморларда давомий сунъий ўпка вентиляциясининг илғор технологиялари жорий этилмоқда.
