Xususan, kecha Qorako‘l tumanida ilk bor buyrak transplantatsiyasi muvaffaqiyatli bajarildi. 
Shu kunlarda Respublika ixtisoslashtirilgan xirurgiya ilmiy-amaliy tibbiyot markazi direktori boshchiligidagi bir guruh malakali mutaxassislar Buxoro viloyatida yuqori texnologik operatsiyalar o‘tkazmoqda.  

  Bemor B. A. —  33 yoshda. Surunkali buyrak yetishmovchiligi tashxisi qo‘yilgan. Bir necha yildirki, gemodializ muolajalarini olib keladi. 

  Tegishli tekshiruv va ko‘rsatmalardan so‘ng ota bir buyragini o‘g‘liga berdi. Operatsiya Qorako‘ldagi tumanlararo qo‘shma shikastlanish va o‘tkir qon-tomir kasalliklari markazida, mahalliy mutaxassislar ishtirokida amalga oshirildi. 

Hozir bemorning ham, donorning ham ahvoli yaxshi. Muolajalar davom ettirilmoqda.