Akademik V.Vohidov nomidagi Respublika ixtisoslashtirilgan xirurgiya markazida Xitoy Xalq Respublikasining yetakchi torakal xirurglari tashrif buyurishdi. Delegatsiyaga Chjetszyan universiteti (SAHZU) ikkinchi klinikasidan professor Fan boshchilik qilmoqda.

Tashrif davomida zamonaviy torakal xirurgiya bo‘yicha mahorat darslari va ko‘rgazmali amaliyotlar tashkil etildi, jumladan:

🔹 O‘pka saratoni (60 yoshli bemor) — Uniportal VATS lobektomiya
🔹 Perikard kistasi (39 yoshli ayol) — Torakoskopik kista ekstirpasiyasi
🔹 Chap o‘pkaning pastgi bo‘lagi sekvestratsiyasi — VATS Uniportal lobektomiya
🔹 Gipergidroz bo‘yicha operatsiya

Barcha operatsiyalar bizning mutaxassislar bilan hamkorlikda o‘tkazilib, tajriba almashish va malaka oshirishga qaratilgan.

Bu tashrif milliy torakal xirurgiyani rivojlantirish va xalqaro hamkorlikni mustahkamlashda muhim bosqich bo‘ldi.