Saudiya Arabistonining Podshoh Salmon gumanitar yordami markazi bilan o‘rnatilgan aloqalar va uning rivojlantirilishi yo‘lida olib borilgan muzokaralar natijasida - O‘zbekistonda navbatdagi loyihani amalga oshirilishiga kelishildi. 2024 yil 21 dekabr kuni, Xirurgiya Markaziga "Islom dunyosi ligasi" tashkilotining vakillari  tashrif buyurishdi. Tashrif chog‘ida markaz direktori professor S.I.Ismailov bilan uchrashuv bo‘lib o‘tdi. "Islom dunyosi ligasi" bizning Xirurgiya Markazida beg‘araz yordam tariqasida Saudiya Arabistonining yetakchi kardiojarrohlari tomonidan bolalarda tug‘ma yurak nuqsonlarini jarrohlik yoli bilan davolanish rejalashtirildi. Tashrif vaqtida Saudiyalik mutaxasislar Xirurgiya Markazi ish faoliyati, moddiy-texnik bazasi, shifokorlar salohiyati bilan yaqindan tanishib, loyihani aynan ushbu shifoxonada bajarilishi muvaffaqiyatli bo‘lishi ta’kidlandi. Loyiha 2025 yil fevral oyida bo‘lib o‘tishi rejalashtirildi.
Eslatib o‘tamiz, Saudiya Arabistonining Podshoh Salmon gumanitar yordami markazi tomonidan Xirurgiya Markazida 2024 yil oktyabr oyida kattalarda ochiq va endovaskulyar yo‘l bilan 88 ta O‘zbekiston fuqarolarida jarroxlik amaliyotini ichiga olgan beg‘araz komak loyihasini o‘tkazgan.