30-sentabr kuni Rossiya Sog‘liqni saqlash vazirligining "Akademik V. I. Shumakov nomidagi  transplantologiya va sun’iy a’zolar milliy tadqiqiot markazi”da XII Rossiya transplantologlar kongressining tantanali ochilishi bo‘lib o‘tdi. Ushbu tadbir transplantologiya sohasida yetakchi bo‘lgan “Akademik V.I. Shumakov nomidagi transplantologiya va sun’iy a’zolar milliy tadqiqiot markazi”ning 55 yilligi munosabati bilan tashkil etildi.

Tantanali ochilish marosimida Rossiya Federatsiyasi Sog‘liqni saqlash vaziri Mixail Albertovich Murashko ishtirok etib, yig‘ilganlarga tabrik so‘zi bilan murojaat qildi va sog‘liqni saqlash vazirligining faxriy mukofotlarini topshirdi.
Qurultoyning faxriy mehmonlaridan biri bizning markazimiz direktori, professor Saidmurad Ibragimovich Ismoilov bo‘ldi. Shuningdek, markazimizning xodimlari — Zarina Ruslanovna Xaybullina va Zafarbek Ulug‘bekovich Abdugafurov ham ishtirok etib, o‘zlarining ilmiy ma'ruzalari bilan qatnashdilar. Ularning ma'ruzalari katta qiziqish bilan tinglandi.

Faxriy mehmonlar orasida Rossiya Federatsiyasi Sog‘liqni saqlash departamenti direktori Igor Nikolaevich Kagramanyan, Rossiya Federatsiyasi Davlat Dumasining Sog‘liqni saqlash qo‘mitasi raisi Badma Nikolaevich Bashankayev, Federal tibbiyot-biologiya agentligi rahbari Veronika Igorevna Skvortsova, Rossiya fanlar akademiyasi Tibbiyot fanlari bo‘limi akademik-kotibi Vladimir Ivanovich Starodubov va Rossiya Federatsiyasida sog‘liqni saqlash sohasida nazorat bo‘yicha Federal xizmat rahbari Alla Vladimirovna Samoylova ham qatnashdilar.

Transplantologlar Kongressi yetakchi mutaxassislarning tajriba almashishi va hamkorlik qilish imkonini yaratgan maydon bo‘lib, bu transplantatsiya sohasidagi yutuqlarga erishishda muhim o’rin egallaydi.