Yoshlar kuni arafasida O‘zbekiston Respublikasi Prezidenti Sh.M.Mirziyoyevning 2024 yil 27 iyundagi "Yoshlar kuni munosabati bilan yurtimizning faol va tashabbuskor yosh avlod vakillaridan bir guruhini mukofotlash to‘g‘risida" gi Farmoniga muvofiq, mamlakatimiz rivojiga munosib hissa qo‘shayotgan bir guruh faol yoshlar «Kelajak bunyodkori» medali hamda «Mard o‘g‘lon» davlat mukofoti bilan taqdirlandi. Ushbu farmonga binoan, «Kelajak bunyodkori» medali bilan Akademik V.Vohidov nomidagi Respublika ixtisoslashtirilgan xirurgiya ilmiy-amaliy tibbiyot markazining qon tomir xirurgiyasi va buyrak transplantatsiyasi bo‘limi jarrohi - Nabijonov Baxodirbek Sodiqjon o‘g‘li xam mukofotlandi.

Ko‘ksaroyda ushbu mukofotlarni topshirish marosimi bo‘lib o‘tdi.

Aytib o‘tish joizki, ushbu mukofot, Prezidentimizining O‘zbekiston Respublikasi yosh shifokorlariga, xususan Akademik V.Vohidov nomidagi Respublika ixtisoslashtirilgan xirurgiya ilmiy-amaliy tibbiyot markazining yosh mutaxassislariga, ularning el-yurt farovonligiga munosib xissa qo‘shishlariga bo‘lgan ishonchdir.