Hafta davomida Xirurgiya markazi direktori Ismoilov Saydimurod Ibragimovich boshchiligidagi yetakchi mutaxassislar guruhi Andijon viloyati Baliqchi tumanidagi bir nechta mahallalarda bo‘lib, aholiga jarrohlik kasalliklarining oldini olish bo‘yicha batafsil tushuntirish va amaliy ko‘rsatmalar berdi.

Tadbirda quyidagi rahbarlar ishtirok etdi:
– Baliqchi tumani hokimi Abdurahimov Jasurbek Odiljonovich,
– Tuman tibbiyot birlashmasi rahbari Ergasheva Muxtasarkhon Ergashevna,
– Andijon viloyati sog‘liqni saqlash boshqarmasi boshlig‘i Mamajonov Shohruhmirzo Olimjonovich.

Mahalla faollari va aholi uchun keng qamrovli seminarlar hamda treninglar o‘tkazilib, mutaxassislar jarrohlik kasalliklarining eng ko‘p uchraydigan turlari, ularning xavf omillari, erta aniqlash usullari va profilaktika choralarini batafsil tushuntirib berdi. Uchrashuv davomida savol-javoblar, ochiq mulohazalar va amaliy tavsiyalar berildi. Tadbirlar aholi salomatligini mustahkamlashga qaratilgan muhim tashabbus sifatida yuqori baholandi.