Биз даволайдиган касалликлар рўйхати:
• Катта ёшли беморларда турли этиологияли юрак нуқсонлари;
• Юрак ишемик касаллиги ва унинг асоратлари;
• Кўкрак ва қорин аортасининг аневризмалари ва диссекциялари;
• Катта қон томир касалликлари;
• Юрак ўсмалари;
• Гипертрофик кардиомиопатия;
• Констриктив перикардит;
• Юрак ритмининг мураккаб бузилишлари;
• Бошқа юрак касалликлари.
Асосий жарроҳлик аралашувлар рўйхати:
• Юракнинг клапан аппарати бўйича операциялар, шу жумладан уларни протезлаш (механик ва/ёки биологик протезлар) ёки ўз клапанларининг фаолиятини тиклаш, шу жумладан минимал инвазив усуллар билан;
• Ишлаб турган юрак ёки сунъий қон айланиш шароитида (шу жумладан ўткир коронар синдромда) анъанавий коронар шунтлаш (автоартериал ва/ёки автовеноз кондуитлар ёрдамида);
• Юрак клапанлари ва коронар қон томирларида қўшма жарроҳлик аралашувлар;
• Кўтарилувчи аорта ва унинг равоғини алмаштириш (шу жумладан юрак клапанлари ва/ёки коронар артерияларда аралашувлар билан биргаликда);
• Юрак ўсмалари бўйича операциялар;
• Гипертрофик обструктив кардиомиопатия бўйича операциялар;
• Констриктив перикардит бўйича операциялар;
• Юрак клапанларида ва коронар қон томирларида бажариладиган жарроҳлик операциялари билан биргаликда мураккаб юрак аритмияларини жарроҳлик йўли билан даволаш;
• Оғир қон айланиш етишмовчилиги бўлган беморларда қон айланишини қўллаб-қувватлаш тизимларидан фойдаланиш.
Катталар кардиожарроҳлиги бўлими 2022 йилда иккита юрак қўшма патологиялари ва орттирилган юрак нуқсонлари реконструктив хирургияси бўлимлари негизида ташкил этилган. Ўз фаолияти давомида бу йўналиш энг юқори натижаларга эришди. Бугунги кунда бўлимда юрак ва катта қон томирларга, шу жумладан 80 ёшдан ошган оғир касалликларга чалинган беморларга кенг кўламли алоҳида ва қўшма жарроҳлик аралашувлар амалга оширилмоқда.
Бўлим 40 ётоқдан иборат. Йилига ўртача юрак ва катта қон томирларда 600 дан ортиқ жарроҳлик аралашувлар амалга оширилади. Республикада биринчи марта 2023-йилда бўлимда юрак етишмовчилигининг сўнгги босқичи бўлган беморга сунъий чап қоринча ўрнатилди. Бўлимда 3 нафар тиббиёт фанлари доктори ва 1 нафар тиббиёт фанлари номзоди фаолият юритади.
