Хирургия марказида раҳбарият ва ёшлар ўртасида навбатдаги учрашув бўлиб ўтди

Ўзбекистон Республикаси Президентининг ёшларни қўллаб-қувватлаш, уларнинг касбий салоҳиятини ривожлантириш ва раҳбарлар билан мунтазам очиқ мулоқотни йўлга қўйиш бўйича топшириқлари ижроси доирасида Академик В. Воҳидов номидаги Хирургия марказида раҳбарият ва ёш ходимлар иштирокида навбатдаги учрашув ташкил этилди.

Учрашувни Марказ директори ўринбосари Ҳожибоев Жамшид Абдуазимович ҳамда кафедра профессори Маҳмудов Қодиржон Олтинбаевич олиб бордилар.

Очиқ мулоқот давомида ёш мутахассислар ўзларини қизиқтирган саволлар билан мурожаат қилиб, мавжуд муаммолари, таклиф ва ташаббусларини билдирдилар. Касбий ривожланиш, меҳнат шароитлари ва Марказ фаолиятини янада такомиллаштириш масалалари муҳокама қилинди.

Бундай учрашувлар мунтазам ташкил этилиб, ёш кадрларни қўллаб-қувватлаш, уларнинг муаммоларига ўз вақтида ечим топиш ҳамда раҳбарият ва ёшлар ўртасидаги очиқ мулоқотни мустаҳкамлашга хизмат қилмоқда.