Aziz yurtdoshlar! Sizlarga muhim yangilikni ma’lum qilishdan mamnunmiz! 2025 yil 29 avgust kuni Akademik V. Vohidov nomidagi Respublika Ixtisoslashtirilgan Xirurgiya Ilmiy-Amaliy Tibbiyot Markazi poliklinikasida xayriya aksiyasi tashkil etiladi.

Ushbu navbatdagi aksiya doirasida jigar transplantatsiyasini boshidan o‘tkazgan bemorlar va ularning donorlari (Respublikamizda yoki xorijda amalga oshirilgan) bepul tibbiy ko‘rikdan o‘tishlari mumkin.

 Aksiya doirasida Donor va Retsipientlarga quyidagi tekshiruvlar BEPUL o‘tkaziladi:
 Umumiy qon tahlili
 Biokimyoviy qon tahlili
 Umumiy siydik tahlili
 Takrolimus tahlili
 Jigar transplantati va qorinning ichki a’zolari UZI-dopplergrafiyasi
 Elektrokardiografiya (EKG)
 Ko`krak qafas rentgenoskopiyasi
 Shuningdek, Xirurgiya Markazi yetakchi mutaxassislari tomonidan bepul maslahatlar va tekshiruvlar o‘tkaziladi.

 Qabul 2025-yil 29 avgust kuni soat 08:00 dan 18:00 gacha Toshkent shahri, Kichik halqa yo‘li, 10-uy manzilida joylashgan Xirurgiya Markazining maslahat poliklinikasida o‘tkaziladi. (Avvalgi Grudnaya xirurgiya, Chilonzor metro yo‘nalishi).

 Qo‘shimcha ma’lumot uchun telefonlar:
 Registratura: +998 71 230 45 60 (08:00-18:00)
 Qabul bo‘limi: +998 71 230 49 14

Muhim
 Aksiyada ishtirok etish uchun retsipientlar o`z Jigar donorlari bilan tashrif buyurishlari kerak. 
 Tekshiruvdan o‘tish uchun barcha tibbiy hujjatlaringizni (ma’lumotnomalar, tahlil natijalari, elektron ma’lumot tashuvchilar, CD-disklar) o‘zingiz bilan olib kelish tavsiya etiladi.
 Barcha tekshiruvlar och qoringa o‘tkaziladi.

Biz sizning salomatligingiz haqida qayg‘uramiz!
Sizlarni markazimizda kutamiz!

Hurmat bilan, 
Xirurgiya Markazi Ma’muriyati