Bugun «Akademik V.Voxidov nomidagi Respublika Ixtisoslashtirilgan Xirurgiya Ilmiy-Amaliy Tibbiyot Markazi»da oxirgi yillarda anʼanaga aylangan tadbir — kirib kelayotgan “Mustaqillik kuni” arafasida, jamoamizdagi maktabning 1-sinfida taʼlim olish uchun ilk qadam tashlayotgan farzandlarni tabriklash va ularga zarur bo‘lgan barcha o‘quv qurollari jamlangan sovg‘alarni topshirish marosimi bo‘lib o‘tdi.

Tadbirda markazimizning professorlari ishtirok etib, bolalarga sovg‘alarni topshirishdi va ularga taʼlim olish yo‘lida muvaffaqiyatlar tilashdi.

Kun davomida bayramona kayfiyatda butun markaz xodimlari uchun “Osh” tayyorlanib, barcha bo‘lim xodimlariga ulashildi.

Bu tadbir markazimizdagi birdamlikni va an’analarni davom ettirishga bo‘lgan ishtiyoqni yana bir bor namoyon etdi.