Tashrif davomida ikki muassasa oʻrtasida Hamkorlik memorandumi imzolandi. Memorandum transplantologiya, kardioxirurgiya, robotlashtirilgan va endovaskulyar xirurgiya, tibbiy taʼlim hamda ilmiy tadqiqotlar sohasida hamkorlikni rivojlantirishni nazarda tutadi. Tomonlar qoʻshma mahorat darslari va operatsiyalar oʻtkazish, mutaxassislar stajirovkasi, yosh shifokorlar uchun seminar va leksiyalar tashkil qilish, telemeditsina orqali masofaviy konsiliumlarni yoʻlga qoʻyish hamda tibbiyot muassasalarini boshqarish boʻyicha tajriba almashishga kelishib oldilar. Ushbu hamkorlik zamonaviy tibbiy texnologiyalarni joriy etish va mahalliy mutaxassislar salohiyatini yanada oshirishga xizmat qiladi.