Академик В. Воҳидов номидаги Республика ихтисослаштирилган хирургия илмий-амалий тиббиёт марказига Mindray компанияси делегацияси компания президенти жаноб У Хао (Wu Hao) бошчилигида ташриф буюрди. Делегация таркибида компаниянинг стратегик ва операцион йўналишлари раҳбарлари ҳамда Mindray’нинг Марказий Осиёдаги вакиллари иштирок этди.

Mindray — тиббий ускуналар ва соғлиқни сақлаш соҳаси учун технологик ечимлар ишлаб чиқарувчи дунёнинг етакчи компанияларидан бири.

Ташриф доирасида Марказ директори, профессор С.И. Исмаилов билан учрашув бўлиб ўтди. Меҳмонларга Марказ фаолияти тақдим этилди, сўнг делегация қабул-диагностика бўлими, реанимация ва операция хоналари билан яқиндан танишди.
Учрашувда Mindray билан узоқ муддатли ҳамкорликни ривожлантириш, замонавий тиббий технологияларни жорий этиш, Марказнинг техник имкониятларини янада ривожлантириш ҳамда йирик қўшма лойиҳаларни амалга ошириш истиқболларига алоҳида эътибор қаратилди.
Бундай юқори даражадаги ташриф томонлар ўртасида тўғридан-тўғри мулоқот ўрнатиш ва келгусидаги ҳамкорликнинг истиқболли йўналишларини белгилаб олиш учун муҳим имконият бўлди.