Ҳозирда Хирургия Маркази жамоаси Сўх туманида юқори технологияли амалиётлар ўтказмоқда. Лекин сиз бу ер ҳақида қанчалик маълумотга эгасиз? 

🏞 Фарғонанинг табиий дурдонаси — Сўх тумани

Ўзбекистоннинг шарқий қисмида, гўё дунё шовқин-суронидан яширингандек, бетакрор табиат гўшаси — Фарғона вилоятининг Сўх тумани жойлашган. Помир ва Олай тоғлари билан ўралган ушбу анклав нафақат ўзининг бетакрор маданияти, балки табиий бойликлари билан ҳам машҳурдир.

🌿 Мусоффо ҳаво ва тоғ сойлари водийни суғориб, ерга ўзига хос микроиқлим бағишлайди. Бу эса деҳқончилик ва боғдорчилик учун жуда қулай шароит яратади. Сўхда етиштириладиган олма, ёнғоқ, малина, гилос каби мевалар ўзининг ажойиб таъми ва экологик тозалиги билан ажралиб туради.

⛰ Минерал манбалар, мусоффо булоқлар, хушбўй доривор ўсимликлар ушбу ҳудудни нафақат сайёҳлар, балки табиатни ўрганаётган олимлар учун ҳам жозибадор қилади.

🦅 Сўх — тоғ сайрларини севувчилар учун чинакам жаннат. Гўзал даралар, альп ўтлоқлари ва улуғвор чўққилар ҳайратомуз юриш маршуртларини ташкил этади ва тобора кўпроқ сайёҳларни ўзига жалб этмоқда.

🌸 Сўх тумани — бу инсон ва табиат уйғун яшайдиган ҳудуд. Унинг табиий бойликлари — нафақат миллий бойлик, балки экотуризм, қишлоқ хўжалиги ва барқарор иқтисодий ривожланиш учун муҳим омилдир.